लिङ्गाष्टकम्

         प्रदोष ; शिवरात्रि आदि अवसरों पर भगवान शिव जी के पूजन का विधान है।उस समय शिव-पूजन के पश्चात् लिङ्गाष्टक का पाठ करना बहुत पुण्यदायक होता है।उसी उद्देश्य से यहाँ पर लिङ्गाष्टक प्रस्तुत है ---
   ब्रह्ममुरारि - सुरार्चितलिङ्गं
          निर्मल-भासित-शोभित-लिङ्गम्।
   जन्मज-दुःख-विनाशक-लिङ्गं
          तत्प्रणमामि सदाशिवलिङ्गम्।।
   देवमुनि-प्रवरार्चित-लिङ्गं
          कामदहं करुणाकरलिङ्गं ।
   रावणदर्प-विनाशन-लिङ्गं
          तत्प्रणमामि सदाशिवलिङ्गम्।।
   सर्वसुगन्धि - सुलेपित-लिङ्गं
          बुद्धिविवर्धन - कारणलिङ्गम्।
   सिद्ध-सुरासुर-वन्दितलिङ्गं
           तत्प्रणमामि सदाशिवलिङ्गम्।।
   कनक-महामणि-भूषितलिङ्गं
           फणपति-वेष्टित-शोभितलिङ्गम्।
   दक्षसुयज्ञ-विनाशकलिङ्गं
           तत्प्रणमामि सदाशिवलिङ्गम्।।
   कुंकुम-चन्दन-लेपितलिङ्गं
           पङ्कजहार-सुशोभितलिङ्गम्।
   सञ्चित-पान-विनाशनलिङ्गं
           तत्प्रणमामि सदाशिवलिङ्गम्।।
   देवगणार्चित-सेवितलिङ्गं
           भावैर्भक्तिभिरेव च लिङ्गम्।
   दिनकरकोटि-प्रभाकरलिङ्गं
           तत्प्रणमामि सदाशिवलिङ्गम्।।
   अष्टदलोपरि वेष्टितलिङ्गं
           सर्वसमुद्भव-कारण-लिङ्गम्।
   अष्टदरिद्र-विनाशितलिङ्गं
           तत्प्रणमामि सदाशिवलिङ्गम्।।
   सुरगुरु-सुरवर-पूजितलिङ्गं
            सुरवनपुष्प-सदार्चितलिङ्गम्।
   परात्परं परमात्मकलिङ्गं
           तत्प्रणमामि सदाशिवलिङ्गम्।।
   लिङ्गाष्टकमिदं  पुण्यं यः पठेच्छिव सन्निधौ।
   शिवलोकमवाप्नोति शिवेन सह मोदते।।
   ।। इति श्रीलिङ्गाष्टकस्तोत्रं सम्पूर्णम्।।